Michel Pinxt Spaans Neerbeek

Melodie: daar bij die molen

Hie sjtroumde èns de keutelbaek
Mit water frisj en klaor
Veurbie de hoezer langs de sjtraet
Al euver hondert jaor.
' t Baekske gunde zig gein rös
en 't murmulde daobie
gans vruntjelik van vreug tot laat
zien eige melodie.
't Baekske roesjde
't baekske broesjde
en 's zomers 'saoves, dan zaot men op de brök
't baekske roesjde
't baekske broesjde
veer dènke noe nog mit sjpas dao aan terök

de sjtreng van 't dörpke babelde
gaer aan de waterkantj.
In 't baekske sjpringe waore ze
Bekend in 't ganse landj.
Mit 'n koete-naas 'ne naate baom
De veut zao naat ès pratsj
Zao kaome ze aan en kreege ze
Mitein dan flink gewatsj
De pap, dae gromde
De mama, die bromde
Die luij, die maakde zig ongenuutig kaot
De pap,dae gromde
Die mam, die bromde
“geer zit 't nötste begaaj van de sjtraot.

Bie aafgaond waer of 'n hommelsjoel
Dan woord ons baekske weus
't golfde wildj de weije in
en dieke waor de leus
De vrouw die trok de rok get op
En maedjes pakde aan
Et water sjteit tot aan de luif
't geit op de kelder aan
wae kan 't besjrieve
de aerpel drieve
al mit den huitkès door de kelder rondj
wae kan 't besjrieve
de aerpel drieve
de baek die maak 't os noe toch al te bontj

wo 't keutelbaekske zien naam
in vreuger jaore kreeg
is get wat de gesjiedenis
helaas veur os verzweeg
mae wie de huskes d'ro kaome
van de gemeinte Baek
doe woort os baekske, dat is waor
ein echte keutelbaek
;t baekske roesjde
't baekske broesjde
wael es 't werm waor, dan ruukde
veer 't neet gaer
't baekske roesjde
't baekske broesjde
en es ;t ruukde, dan kreege
veer anger waer

Dat noe de baek is omgelag
Is hie ein graot gelök
Want es me get gedronke haet
Dan zuut me soms gein brök
Veer höbbe hie dèk 's aoves laat
'ne flinke ploensj geheurd
'ne zaate, dae in 't baekske veel
en ploseling neuchter
woort
wilt röstig drenke
wilt röstig klenke
dao is gein miensj mer, dae noe de
baek ingeit

Veurdat 't baekske aafsjiet nump
Van Nirbik en zien sjtraot
Zaet 't zum schlusz, aan 't jonge paar
“kiek wat ich achterlaot
laeg bösse, pispöt, fitseraar
en sjtökker vinster roet
kepotte tasse, enzovoort
Haolt uch dat noe mer d'roet
Es geer get mit nump
Wat uch van pas kump
Dan zaet 't baekske:
Kènjer pakt uch dat
Es geer get mit nump
Wat uch van pas kump
Dan wunsjt auch 't baekske,
Tot sjlot
Proficiat.


Dit liedje werd op papier van de toneelvereniging 'ons genoegen' gemaakt in de dertiger jaren ter gelegenheid van een bruiloft van een dochter van Martin Verjans.

SPAANS NEERBEEK / ‘t Baekske

A7. De Keutelbeek in de strenge winter van 1944/1945. De beek vormt hier de natuurlijke grens tussen de 'kaolhof' van Verjans (links) en de boomgaart aan de overkant.

Keutelbeek In kleur Michel Pinxt Spaans Neerbeek Spaans Neerbeek
Nieuwe pagina 1
© Spaans Neerbeek / Michel Pinxt / mei 2001 -